काठमाडौं । सेन्चुरी बैंकले २ अर्ब २० करोड रुपैयाँ बराबरको ऋणपत्र जारी गर्ने भएको छ । बैंकले उक्त ऋणपत्र जारी गर्न नेपाल धितोपत्र बोर्डसंग अनुमति मागेको छ । बैंकले प्रति कित्ता १ हजार रुपैयाँ दरमा २२ लाख कित्ता ऋणपत्र जारी गर्न बोर्डसंग अनुमति मागेको हो। 

बैंकले जारी गर्ने ऋणपत्रसमध्ये ८ लाख १६ हजार कित्ता सर्वसाधारणका लागि खुला हुनेछ । बाँकी १३ लाख २० हजार इकाई संघसंस्थालाई बिक्री गरिनेछ ।  बैंकले १० वर्ष अवधिको सेन्चुरी बैंक डिबेन्चर २०८७’ नाममा ऋणपत्र जारी गर्न लागेको हो । यस ऋणपत्रमा वार्षिक ९% ब्याजदर पाइनेछ ।