">
- अर्थ सरोकार सम्बाददाता
काठमाडौं । भारत र अमेरिकाले बीचमा मंगलबार एक महत्वपूर्ण रक्षा सम्झौतामा हस्ताक्षर गरेका छन् । सो सम्झौता अनुसार रक्षा सम्बन्धी केही संवेदनशील स्याटलाइट तस्वीर, नक्सा लगायतका सूचनाहरु भारत र अमेरिकाबीच एक आपसमा आदान प्रदान हुनेछ । यो सम्झौतासँगै अमेरिका र भारतले चीनविरुद्ध मिलेर लड्ने घोषणा नै गरेका छन् ।
सो सम्झौता अनुसार भारतले अमेरिकाले जम्मा पारेका सूचनाहरुमा पहुँच पाउने छ । सो सूचनामा पहुँच हुँदा मिसाइल, ड्रोनलगायतका आक्रमणमा सहज हुने बताइएको छ । दुई देशको बीचमा मंगलबार नै भएको टु प्लस टु बैठक (दुई देशका विदेशमन्त्रीसँग रक्षामन्त्रीको पनि बैठक) पछि सो सम्झौता भएको छ ।
यो सम्झौतासँगै चीनभर नयाँ तरङ्ग फैलिएको छ । विश्लेषकहरुले यो सम्झौताले चीनको सात्तो गएकोसमेत विश्लेषण गरेका छन् ।
