- अर्थ सरोकार सम्बाददाता
चितवन । कोरोना संक्रमणबाट चितवन मेडिकल कलेजमा एक जनाको मृत्यु भएको छ । चितवन मेडिकल कलेजमा उपचाररत भरतपुर महानगरपालिका–१० का ७६ वर्षीय पुरुषको आज बिहान ४ बजे मृत्यु भएको हो ।
सीएमसीका निर्देशक डा. दयाराम लम्सालका अनुसार मृतकमा असोज २० गते कोरोना संक्रमण पुष्टी भएको थियो । ज्वरो, खोकी र श्वासप्रश्वासको समस्या भएपछि उनलाई गत असोज २० गते अस्पताल भर्ना गरिएको थियो ।
