• अर्थ सरोकार सम्बाददाता 

काठमाडौँ । कोरोना संक्रमणबाट थप २१ जनाको मृत्यु भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा विभिन्न जिल्लामा गरी २१ जनाको मृत्यु भएको जानकारी दिएको हो । योसँगै नेपालमा मृत्यु हुनेको संख्या ७१५ पुगेको छ । बिहीबार पनि १९ जना कोरोना संक्रमितको मृत्यु भएको थियो ।

यस्तै मुलुकभर २४ घण्टामा ४ हजार ३ सय ९२ संक्रमित थपिएका छन् । नेपालमा कोरोना संक्रमितको संख्या १ लाख २६ हजार १ सय ३७ पुगेको बताएका छन् । हालसम्म कोरोनामुक्त हुनेको संख्या ८८ हजार ४० जना पुगेको छ ।