• अर्थ सरोकार सम्बाददाता 

काठमाडौं । नेपाल उद्योग वाणिज्य महासंघ (एफएनसीसीआईको) ५४औं वार्षिक साधारणसभा तथा निर्वाचन आगामी मंसिर ११ र १२ गते काठमाडौंमा हुने भएको छ । कोरोना संक्रमणको कारणले सरेको संघको निर्वाचन मंसिर ११ र १२ गते हुने भएको हो । यसअघि पनि संघको निर्वाचनको लागि ३ पटकसम्म मिति तोकिएपनि कोरोनाका कारण हुन सकेको थिएन । 

महासंघको बिहिबार बसेको कार्यकारिणी समितिको बैठकले महासंघको ५४औं वार्षिक साधारणसभा तथा निर्वाचनको मिति तोकेको हो । यसअघि बसेको महासंघको कार्यकारिणी समितिले महासंघको साधारणसभा तथा निर्वाचनसम्बन्धी सुझाव दिनका लागि ६ सदस्यीय छुट्टै कार्यदल बनाएको थियो । उक्त कार्यदलले महासंघको साधारणसभा भर्चुअल्ली र निर्वाचनका कार्यक्रमहरु काठमाडौंमा गर्नका लागि सिफारिस गरेको थियो ।