• अर्थ सरोकार सम्बाददाता 

पोखरा । पोखरा स्वास्थ्य विज्ञान प्रतिष्ठानमा थप एक कोरोना संक्रमितको उपचारको क्रममा मृत्यु भएको छ । पोखरा महानगरपालिका–१६ का ८३ वर्षीय पुरुषको मृत्यु भएको हो । हाइपरटेन्सन, डाइबिटिज्, तथा मृगौलाको रोगी रहेका पुरुषमा असोज १३ गते कोरोना संक्रमण पुष्टी भएको थियो ।

त्यस्तै बिहीबार गण्डकी प्रदेशमा थप ४६ जनामा कोरोनो संक्रमण पुष्टि भएको छ । संक्रमितमध्ये नवपुरका २७, बागलुङका १२ लमजुङ र तनहुँका एक-एक जना रहेका छन् । योसंगै गण्डकी प्रदेशमा कोरोना संक्रमितको संख्या चार हजार चार सय ४७ पुगेको छ ।