• अर्थ सरोकार सम्बाददाता 

डडेल्धुरा । डडेल्धुराको एक घरबाट तीन लाख नगदसहित गरगहना चोरी भएको छ । जिल्लाको अमरगढी नगरपालिका-७ को पोखरा बजार नजिकै रहेको एक घरबाट शुक्रबार तीन लाख नगदसहित सात तोला सुन चोरी भएको हो । 

कोठामा रहेको स्टिल दराज फुटाएर सुनका गरगहनासहित नगद चोरी भएको घरधनि कलावती ऐरीले बताइन् । घाँस काट्न गएका बेला चोरी भएको उनको भनाइ छ । शुक्रबार दिउँसो प्रहरीलाई खबर गरेपछि अनुसन्धान थालिएको पोखरा प्रहरी चौकी इञ्चार्ज प्रहरी नायव निरिक्षक शेरबहादुर बढाऐरले जानकारी दिए । ऐरीको घरमा जाने बुझेकै मान्छेले चोरी गरेको हुनसक्ने अनुमान गरिएको छ ।