• अर्थ सरोकार सम्बाददाता 

गोरखा । गोरखाबाट १२ जुवाडे पक्राउ परेका छन् । गोरखा नगरपालिका–४ पन्थेस्वाँराबाट एक लाख ४६ हजार नगदसहित १२ जुवाडे पक्राउ परेका हुन् । कुखुराको खोरमा कौडा खेलिरहेका १२ जनालाई पक्राउ गरिएको जिल्ला प्रहरी कार्यालय गोरखाका डीएसपी वासुदेव खतिवडाले जानकारी दिए ।

पक्राउ परेकाहरुलाई जुवा ऐनअन्तर्गत मुद्दा दर्ता गरी कारबाही प्रक्रिया अघि बढाउने तयारी भइरहेको छ । दशैं नजिकिएसंगै तास खेल्नेहरु विभिन्न स्थानबाट पक्राउ परिरहेका छन् । देशभर जुवातास खेल्ने गतिविधि बढेपछि निगरानी बढाइएको छ ।