• अर्थ सरोकार सम्बाददाता 

काठमाडौं । सरकारले अन्तर्राष्ट्रिय सीमा नाकाबाट हुने आवागमनमा लगाइदै आएको रोकलाई कात्तिक मसान्तसम्म थप गरेको छ । प्रधानमन्त्री निवास बालुवाटारमा सोमबार बसेको मन्त्रिपरिषद् बैठकले उक्त निर्णय गरेको हो । 

यसअघि असोज मसान्तसम्म सीमा नाका बन्द गर्ने निर्णय भएकोमा परराष्ट्रमन्त्री एवं प्रवक्ता प्रदीपकुमार ज्ञवालीका अनुसार सीमा नाकाबाट हुने प्रवेशमा लगाइदै आएको रोकलाई कात्तिक मसान्तसम्म थप गरिएको हो । कोरोना जोखिम बढ्दै गएपछि गत चैत ११ गतेदेखि अन्तर्राष्ट्रिय सीमा नाकाबाट हुने आवतजावतमा रोक लगाइँदै आएको छ । यद्यपि, ढुवानी र निश्चित नाकाबाट हुने आवागमन भने चालू अवस्थामा नै रहनेछन् ।