• अर्थ सरोकार सम्बाददाता 

काठमाडौँ । पछिल्लो समय काठमाडौँ उपत्यकामा कोरोना संक्रमणको दर बढेपछि सरकारले उपत्यकाबासीलाई उच्च सर्तकता आग्रह गरेको छ । सोमबार बसेको मन्त्रिपरिषद् बैठकका निर्णय सार्वजनिक गर्दै परराष्ट्रमन्त्री तथा सरकारका प्रवक्ता प्रदीप ज्ञवालीले उपत्यकाबासीलाई यस्तो आग्रह गरेका हुन् । 

उपत्यका बाहिर देशभर संक्रमण नियन्त्रण उन्मुख भएतापनि उपत्यकामा जोखिम झन बढेको ज्ञवालीको भनाई छ । उनले काठमाडौं आउने तथा जाने काम भरसक नगर्न आग्रह गरेका छन् । महामारीलाई नियन्त्रण गरे पुन: दशैँको आशिर्वाद लिन पाइने पनि बताए ।