- अर्थ सरोकार सम्बाददाता
विराटनगर। कोरोना संक्रमणबाट कोशी अस्पतालमा उपचाररत थप दुई जनाको मृत्यु भएको छ। विराटनगर महानगरपालिका–५ का ५० वर्षीय पुरुष र सुनसरीको धरान–१५ का ६६ वर्षीय बृद्धको मृत्यु भएको हो।
५० वर्षीय पुरुषलाई असोज २१ गते कोरोना संक्रमण देखिएको थियो । त्यहि दिन अस्पताल भर्ना भएका उनलाई उच्चरक्तचाप, मधुमेह र पिसाबसम्बन्धी समस्या रहेका थिए। त्यस्तै, सुनसरीका ६६ वर्षीय बृद्धलाई असोज २६ गते कोरोना संक्रमण देखिएको थियो । उनलाई मधुमेह, उच्च रक्तचाप र कोलेस्ट्रोलको समस्या रहेको थियो ।
