">
- अर्थ सरोकार सम्बाददाता
हेटौडा । बिहिबार मकवानपुरमा थप ५८ जनामा कोरोना संक्रमण पुष्टी भएको छ । हेटौंडा उपमहानगरपालिका १० स्थित कीटजन्य रोग अनुसन्धान तथा तालिम केन्द्रको प्रयोगशालामा गरिएको परीक्षणमा उनीहरुमा संक्रमण पुष्टी भएको हो । प्रादेशिक अस्पतालका अनुसार संक्रमण हुनेमा ३८ पुरुष र २० महिला रहेका छन् ।
संक्रमित धेरैजसो हेटौंडा उपमहानगरपालिकाकै व्यक्ति रहेको जिल्ला स्वास्थ्य कार्यालय, मकवानपुरले जनाएको छ। स्वास्थ्य कार्यालयका अनुसार केही मात्रै छिमेकी जिल्लाको रहेका छन् । योसँग मकवानपुरमा कोरोना संक्रमितको संख्या एक हजार पाँच सय ६८ पुगेको छ । यसमध्ये एक हजार तीन सय ४९ जना निको भइसकेका छन्।
