">
- अर्थ सरोकार सम्बाददाता
मकवानपुर । मकवानपुरमा थप १२५ जनामा कोरोना संक्रमण पुष्टी भएको छ । हेटौंडा–१० स्थित किटजन्य रोग अनुसन्धान तथा तालिम केन्द्रको प्रादेशिक प्रयोगशालामा गरिएको परीक्षणमा उनीहरुमा कोरोना संक्रमण पुष्टी भएको हो । संक्रमित १२५ जनामध्ये ११७ जना हेटौंडा उपमहानगपालिकाभित्रका रहेका छन् । वाग्मती गाउँपालिकाका १४ जना, मकवानपुरगढी गाउँपालिकाका १ जना र हेटौंडा बसोबास गर्ने अन्य जिल्लाका ३ जनामा कोरोना संक्रमणको पुष्टी भएको हेटौंडा आइसोलेसन वार्डका इञ्चार्ज भोला चौलागाईंले जानकारी दिए ।
हेटौंडा उपमहानगरका विभिन्न वडाका ५१ जना महिला र ६६ जना पुरुषमा कोरोना पुष्टी भएको हो । वाग्मती गाउँपालिकाका ६ महिला र ८ पुरुष रहेका छन् । मकवानपुरगढी गाउँपालिकाका १ जना महिला र जिल्ला बाहिर ठेगाना भएका ३ जना पुरुषमा पनि कोरोना पुष्टी भएको छ । संक्रमितहरुको आइसोलेसनमा उपचार भइरहेको छ ।
