• अर्थ सरोकार सम्बाददता 

विराटनगर । कोरोना संक्रमणबाट मोरङमा थप एक जनाको मृत्यु भएको छ । मोरङको विराट शिक्षण अस्पतालमा उपचाररत सुन्दरहरैचा नगरपालिका ३ का ४३ वर्षीय पुरुषको आज (मंगलबार) बिहान मृत्यु भएको हो । 

ती पुरूषमा श्वासप्रश्वासमा समस्या देखिएपछि अस्पताल भर्ना गरिएको थियो । पिसिआर परीक्षण गराउँदा रिपोर्ट पोजिटिभ आएपछि उनलाई विराटकै कोभिड अस्पतालमा भर्ना गरिएको थियो । उपचारका क्रममा उनको बिहान ८:१० मा मृत्यु भएको हो ।