• अर्थ सरोकार सम्बाददाता 

काठमाडौँ । साताको कारोबारको दोस्रो दिन सोमबार सेयर बजार बढेको छ । आइतबारको तुलनामा बजार १.७२ अंकले बढेर १५७८.०१ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ६८ लाख १५ हजार ७१० कित्ता सेयर खरिद बिक्री हुँदा १ अर्व ९४ करोडमाथिको कारोबार भएको छ । जसमा सबैभन्दा बढी कारोबार मुक्तिनाथ विकास बैंकको भएको छ । यस कम्पनीको कुल १६ करोड ५० लाखमाथिको कारोबार भएको छ । त्यसपछि कारोबार क्रमश : अरुण भ्याली हाइड्रोपावर र कामना सेवा विकास बैंकको भएको छ ।

यता, आइतबारको कारोबारमा बैंकिङ्ग, व्यापार, होटल्स, विकास बैंक र माइक्रोफाइनान्स उपसुचक बढेको छ भने बाँकी सबै उपसुचक घटेको छ । सबैभन्दा धेरै मुक्तिनाथ विकास बैंक र कर्पोरेट डेभलपमेन्ट बैंकको लगानीकर्ताले कमाएका छन् भने सबैभन्दा धेरै सबैको लघुवित्त वित्तीय संस्था र रिडी हाइड्रोपावरका लगानीकर्ताले गुमाएका छन् ।