काठमाडौँ । साताको कारोबारको चौथौ दिन बुधबार सेयर बजार बढेको छ । मंगलबारको तुलनामा बजार १३.९४ अंकले बढेर १५९७.७१ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ९२ कम्पनीको ५५ लाख ९ हजार ४४८ कित्ता सेयर खरिद बिक्री हुँदा १ अर्व ६३ करोडमाथिको कारोबार भएको छ । जसमा सबैभन्दा बढी कारोबार एनआइसी एसिया बैंकको भएको छ । यस कम्पनीको कुल २४ करोड २९ लाखमाथिको कारोबार भएको छ । त्यसपछि कारोबार क्रमश : कुमारी बैंक र नेपाल बैंकको कारोबार भएको छ ।

यता बुधबारको कारोबारमा होटल्स, हाइड्रोपावर, फाइनान्स र म्यनुफक्चार एण्ड प्रोडक्सन उपसुचक बढेको छ भने बाँकि सबै उपसुचक बढेका छन् । सबैभन्दा धेरै जनरल इन्स्योरेन्स र नेपाल हाइड्रो डेभलपरका लगानीकर्ताले कमाएका छन् भने सबैभन्दा धेरै नेपाल फाइनान्स र खानीखोला हाइड्रोपावरका लगानीकर्ताले गुमाएका छन् ।