- अर्थ सरोकार सम्बाददाता
काठमाडौँ । नेपाल स्टक एक्सचेञ्ज लिमिटेड (नेप्से) का थप एक कर्मचारीमा कोरोना संक्रमण पुष्टी भएको छ । नेप्सेमा कार्यरत ४० जना कर्मचारीहरुको गत आइतबार पीसीआर परीक्षण गरिएकोमा थप एक जनालाई कोरोना संक्रमण पुष्टी भएको हो । बाँकी सबै कर्मचारीको रिपोर्ट भने नेगेटिभ आएको छ ।
केही साताअघि नेप्सेका एक अधिकारीलाई कोरोना संक्रमण भएपछि अन्य कर्मचारीको पनि कोरोना परिक्षण गरिएको हो । कोरोना पुष्टी भएका ती कर्मचारी नेप्से प्रमुख कार्यकारी अधिकृत चन्द्रसिंह साउदको सचिवालयमा कार्यरत कर्मचारी हुन् ।
नेप्सेमा प्रमुख कार्यकारी अधिकृतको सचिवालयका ती अधिकारीलाई कोरोना संक्रमण भएपछि प्रमुख कार्यकारी अधिकृत चन्द्रसिंह साउद पनि कन्ट्याक्ट ट्रेसिङमा परेका छन् ।
