- अर्थ सरोकार सम्बाददाता
काठमाडौं । नेपाल राष्ट्र बैंकले ११ अर्ब २० करोड रुपैयाँको ट्रेजरी बिल बिक्री गर्ने भएको छ । राष्ट्र बैंकले ९१ दिन, १८२ दिन र १ वर्ष अवधिको ट्रेजरी बिल बिक्री गर्ने भएको हो । भोलि (मंगलबार) निष्काशन हुने उक्त बिलका लागि सोमबार दिउँसो ३ बजे बोलकबोल हुँदैछ ।
केन्द्रीय बैंकले ९१ दिनको लागि जारी हुने २० करोडको ट्रेजरी बिल माघ ६ गते परिपक्व हुने जनाएको छ । यस्तै १८२ दिन अवधिको ५ अर्ब रुपैयाँको ट्रेजरी बिल २०७८ वैशाख ७ गते परिपक्व हुनेछ भने १ वर्षको लागि ६ अर्ब रुपैयाँ बराबरको ट्रेजरी बिल २०७८ कात्तिक २ गते परिपक्व हुनेछ ।
सबै वर्गका बैंक तथावित्तीय संस्था, संगठित संस्था तथा सर्वसाधारण नागरिकसमेत ट्रेजरी बिलको बोलकबोलमा सहभागी हुन सक्नेछन् ।
