- अर्थ सरोकार सम्बाददाता
धनगढी । डिउटीमा खटिएकै अवस्थामा बेपत्ता भएका प्रहरी जवान रामबहादुर साउँदको पनि शव फेला परेको छ । शनिवार साँझ ८ बजे मोटरसाइकलमा गस्तीमा गएका बेला बेपत्ता भएका उनको शव मंगलबार फेला परेको सुदूरपश्चिम प्रदेश प्रहरी कार्यालयका वरिष्ठ प्रहरी उपरीक्षक मुकेशकुमार सिंहले जानकारी दिनुभयो ।
मोहना नदीमा डुबिरहेको अवस्थामा प्रहरी जवान साउँदको शव फेला परेको हो । सँगै ड्युटीमा निस्किएका प्रहरी नायब निरीक्षक (असई) विक आइतवार बिहान मृत अवस्थामा मोहना नदीमा फेला परेका थिए । उनको उच्च सम्मानका साथ अन्त्यष्टि पनि गरिसकिएको छ । घटनामा संलग्न भएको आशंकामा १६ जनालाई नियन्त्रणमा लिईएको जिल्ला प्रहरी कार्यालय कैलालीले जनाएको छ ।
