• अर्थ सरोकार सम्बाददाता 

विराटनगर । शुक्रबार प्रदेश १ मा थप ६५४ जनामा कोरोना संक्रमण पुष्टी भएको छ । शुक्रबार एक हजार ६४६ जनाको पीसीआर परीक्षणमा गरिएकोमा प्रदेश १ का विभिन्न जिल्लामा थप ६५४ जनामा कोरोना संक्रमण पुष्टी हो । जसमा २४१ महिला र ४१३ पुरुष छन् । 

सामाजिक विकास मन्त्रालयका अनुसार मोरङका ३२६, सुनसरीका २०९, झापाका ७४, संखुवासभाका ९, उदयपुरका चार, भोजपुर, तेह्रथुम, इलाम र ताप्लेजुङका दुई/दुई जना तथा प्रदेश बाहिरका २४ जनामा संक्रमण पुष्टी भएको हो । योसँगै प्रदेश १ मा कोरोना संक्रमितको संख्या १२ हजार २६९ पुगेको छ । यस्तै पछिल्लो २४ घण्टामा ३२६ जना निको भएर अस्पतालबाट डिस्चार्ज भएका छन् । योसँगै कोरोना जितेर घर फर्किनेको संख्या पाँच हजार ३३९ पुगेको छ।