• अर्थ सरोकार सम्बाददाता 

काठमाडौं । आरएसडीसी लघुवित्त वित्तीय संस्थाले १२.६३ प्रतिशत लाभांश दिने घोषणा गरेको छ । कम्पनीको शनिबार बसेको सञ्चालक समितिको बैठकले आर्थिक वर्ष २०७६/७७ मुनाफाबाट ९ प्रतिशत बोनस सेयर र कर प्रयोजनार्थ ३.६३ प्रतिशत नगद लाभांश गरि १२.६३ प्रतिशत लाभांश दिने निर्णय गरेको हो । 

कम्पनीले आफ्ना लगानीकर्तालाई ६ करोड ४ लाख ३७ हजार ४५ रुपैयाँ बराबरको बोनस र २ करोड ४३ लाख ८६ हजार ८७८ रुपैयाँ नगद लाभांश वितरण गर्नेछ । अब नियामक नेपाल राष्ट्र बैंक र आगामी साधारण सभाबाट अनुमोदन भएपछि लगानीकर्तालाई वितरण प्रक्रिया अघि बढाइनेछ । हाल कम्पनीको चुक्ता पुँजी ६७ करोड १५ लाख २२ हजार रुपैयाँ रहेको छ । बोनस वितरण पश्चात आरएसडीसीको चुक्ता पुँजी ७३ करोड १९ लाख ५९ हजार रुपैयाँ पुग्नेछ ।