">
- अर्थ सरोकार सम्बाददाता
रुपन्देही । कोरोना भाइरसको संक्रमणबाट रुपन्देहीमा थप एक जनाको मृत्यु भएको छ । तिलोत्तमा नगरपालिका २ का ६७ वर्षीय पुरुषको शुक्रबार बिहान ७ः१५ बजे मृत्यु भएको हो ।
गत असोज २१ गते उनमा कोरोना संक्रमण पुष्टी भएको थियो । त्यसपछि उनी लुम्बिनी प्रादेशिक कोरोना विशेष अस्पताल बुटवलमा भर्ना भएका थिए । स्वास्थ्य अवस्था विग्रिँदै गएपछि उनको ५ गतेबाट भेन्टिलेटरमा राखेर उपचार भइरहेको थियो। योसँगै रुपन्देहीमा कोरोना संक्रमित ४६ जनाको मृत्यु भएको छ।
