मंगलबार विहान १० बजेर २ मिनेट जाँदा बैंकका कर्मचारीले ९११ मा फोन गरेका थिए । कर्मचारीले ६०७ नर्थ फेडरिक एभिन्युमा रहेको वेल्स फार्गो बैंकमा लुटपाट भइरहेको जानकारी दिएका थिए । लामा बैंक खाता खोल्ने बहानामा बैंक भित्र प्रवेश गरेका थिए । उनले त्यसपछि आफुले बोकेको झोलाबाट चक्कु देखाई पैसा मागेका थिए । उनले कर्मचारीलाई पैसा निकालेर फोहोर फयाक्ने झोलामा राख्न चेतावनी दिएका थिए ।

बैंकका कर्मचारीले प्रहरीलाई फोन गरेका थिए । तत्कालनै प्रहरीहरु बैंकमा पुगेका थिए ।  सो बेला लामा बैंकभित्रै रहेका थिए , उनि बैंकबाट भाग्न पाएका थिएनन् । त्यसपछि प्रहरीले उनलाई पक्राउ गरेर हिरासतमा लिएको हो । लामालाई हातहतियारसहित डकैत,प्रथम श्रेणीको आक्रमण र दोश्रो श्रेणीको आक्रमणको आरोप लगाइएको छ । उनि आगामी नोभेम्बर १३ का दिन अदालत हाजिर हुने भएका छन् । -एजेन्सीको सहयोगमा