• अर्थ सरोकार सम्बाददाता 

काठमाडौं । सानिमा बैंकले आफ्ना सेयरधनीहरुलाई १३.६०% लाभांश दिने भएको छ । बैंकको मंगलबार बसेको सञ्चालक समिति बैठकले आर्थिक वर्ष २०७६/७७ को नाफाबाट १०% बोनस र करसहित ३.६०% नगद लाभांश दिने निर्णय गरेको हो । 

बैंकले ८८ करोड १ लाख ३८ हजार रुपैयाँ बराबरको बोनस आफ्ना सेयरधनीहरुलाई वितरण गर्नेछ । यस्तै ३१ करोड ६८ लाख ४९ करोड ६८० रुपैयाँ नगद लाभांश बाँड्नेछ । बैंकले घोषणा गरेको उक्त लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र वितरण हुनेछ । 

बैंकले गत वर्ष  ११.०५% नगद लाभांश र १०% बोनस सेयर वितरण गरेको थियो । हाल सानिमाको चुक्ता पुँजी ८ अर्ब ८० करोड १३ लाख रुपैयाँ रहेको छ ।