• अर्थ सरोकार सम्बाददाता 

काठमाडौं । शिवम् सिमेन्ट्सको वार्षिक साधारणसभा कात्तिक २४ गते हुने भएको छ । कम्पनीले बिहान ११ बजे जुममार्फत् साधारणसभा बोलाएको हो । कम्पनीले सभामा २४.२१% नगद लाभांश पारित गर्ने प्रमुख एजेन्डा लैजाने भएको छ । कम्पनीको बुधबार बसेको सञ्चालक समिति बैठकले करसहित २४.२१% नगद लाभांश दिने निर्णय गरेको हो । 

कम्पनीले नगदमा १ अर्ब ६ करोड ५२ लाख ४० हजार रुपैयाँ खर्च गर्नेछ । साधारणसभा तथा लाभांश प्रयोजनका लागि कम्पनीले कात्तिक १३ गते बुक क्लोज गर्दैछ । जस अनुसार कात्तिक १२ गतेसम्म कायम सेयरधनीले लाभांश सुरक्षित गर्न सक्नेछन् ।  लाभांश आगामी वार्षिक साधारणसभाले अनुमोदन गरेपछि मात्र वितरण हुनेछ । गत वर्ष कम्पनीले १५.७८% नगद लाभांश वितरण गरेको थियो ।