• अर्थ सरोकार सम्बाददाता 

सुनसरी । सनुसरीको धरानमा थप ८६ जनामा कोरोना संक्रमण पुष्टी भएको छ । बीपी कोइराला स्वास्थ्य विज्ञान प्रतिष्ठानको हेल्प डेस्क र धरान उपमहानगरपालिकामार्फत स्वाब संकलन गरिएकामध्ये ८६ जनामा कोरोना संक्रमण पुष्टी भएको छ । त्यसमध्ये ४ जना पुनः परीक्षण गरिएकाहरू हुन् ।

उपमहानगरले ३५ जनाको स्वाब संकलन गरेर जाँच गर्दा १३ जनाको पोजेटिभ रिपोर्ट आएको स्वास्थ्य महाशाखाका प्रमुख उमेश मेहताले जानकारी दिए । अन्य भने बीपी प्रतिष्ठानमा स्वाब परीक्षण गरेकाहरू हुन् । १३ मध्ये ९ जना नयाँ संक्रमित हुन् भने ४ जना पूराना संक्रमित हुन् । रिपोर्ट आएकामध्ये फेरि परीक्षण गरिएकामध्ये ४ जना अनुसन्धान कार्यालयका कर्मचारी रहेको मेहताले बताए । संक्रमितहरुको  बीपी कोइराला स्वास्थ्य विज्ञान प्रतिष्ठानको आइसोलेसनमा उपचार भइरहेको छ ।