अर्थ सरोकार सम्बाददाता
बुटवल । युनिभर्सल मेडिकल कलेज भैरहवामा उपचारका क्रममा एक जना कोरोना संक्रमितको मृत्यु भएको छ । सिद्धार्थनगर नगरपालिका-१ स्थित बेलहियाका ६५ वर्षीय पुरुषको अस्पतालमा उपचारका क्रममा बिहीबार मृत्यु भएको हो ।
सोमबार अस्पतालमा भर्ना भएका उनको मंगलबार कोरोना पोजेटिभ रिपोर्ट आएको कलेजका जनसम्पर्क अधिकृत सुशिल गुरुङले बताए । गुरुङका अनुसार उनमा निमोनियाको समेत समस्या रहेको थियो ।
