• अर्थ सरोकार सम्बाददाता 

काठमाडौं । नबिल बैंकको अध्यक्षमा उपेन्द्र पौडेल नियुक्त भएका छन् । मंगलबार बसेको बैंक सञ्चालक समितिको बैठकले नेपाल बैंकर्स संघका पूर्व अध्यक्षसमेत रहेका पौडेललाई चयन गरेको हो । पौडेल एमएमबि बैंकको प्रमुख कार्यकारी अधिकृतबाट बिदा भएपछि नबिल बैंकको सञ्चालक चुनिएका थिए । 

यसअघि बैंकको अध्यक्ष शम्भु प्रसाद पौड्याल थिए । उनको कार्यकाल सकिएपछि उपेन्द्र अध्यक्ष चुनिएका हुन् । सन् १९८६ मा ग्रिण्डलेज बैंकबाट बैंकिङ करिअर सुरु गरेका हुन् । सो बैंकमा १४ वर्ष जिम्मेवारी सम्हालेपछि उनी एनएमबी फाइनान्समा पुगेका थिए । उनले ३४ वर्षको बैंकिङ अनुभव लिएका छन् । पौडेल सन् २०१४ देखि २०१६ सम्म नेपाल बैंकर्स संघको अध्यक्ष थिए ।