• अर्थ सरोकार  सम्बाददाता 

काठमाडौं । काठमाडौँ उपत्यकामा कोरोना संक्रमितको संख्या २७ हजार नाघेको छ । स्वास्थ्य तथा जनसंख्या मन्त्रालयअन्तगर्तको इपिडिमियोलोजी तथा रोग नियन्त्रण महाशखाले काठमाडौं ,भक्तपुर र ललितपुरमा संक्रमितको संख्या २७ हजार ९१८ पुगेको हो । 

उपत्यकाका तीन जिल्लामा सक्रिय संक्रमितको संख्या भने १२ हजार २५४ पुगेको छ । जसमा काठमाडौंमा नौ हजार ८९२ जना, भक्तपुरमा एक हजार ७२ जना र ललितपुरमा एक हजार २९० संक्रमित अस्पताल, संस्थागत आइसोलेसन र होम आइसोलेसनमा उपचाररत रहेको महाशाखाले जनाएको छ । देशैभर कोरोनाका संक्रमितको संख्या ८४ हजार ५७० पुगेको छ । 

काठमाडौंमा २२ हजार ६७३ जना, भक्तपुरमा दुई हजार ४४९ जना र ललितपुरमा दुई हजार ७९६ जनामा कोरोना संक्रमण देखिएको महाशखाको जनाएको छ। यस्तै देशैभर कोरोना निको हुनेको संख्या ६२ हजार ७४० रहेको छ । कोरोनाबाट ज्यान गुमाउनेको संख्या देशैभर ५२८ पुगेको छ ।