- अर्थ सरोकार सम्बाददाता
काठमाडौं । वाणिज्य आपूर्ति तथा उपभोक्ता हित संरक्षण विभागले विशाल ग्रुपको कम्पनीको गोदाममा छापा मारेको छ । विभागले छापा मारेर म्याद सकिएका जंक फुडहरुमा नयाँ लेबल (स्टिकर) लगाउन प्रयोग गरिएको मसिनसहित ८ जनालाई पक्राउ पनि गरेको हो ।
जससंगै उक्त ग्रुपले म्याद नाघेका जंक फुडहरुमा नयाँ म्याद टाँसेर बजारमा बेच्ने गरेको तथ्य खुलेको हो । नेपाल प्रहरीको केन्द्रिय अनुसन्धान ब्युरो (सिआइबी)र विभागको टोलीले उनीहरुलाई स्निकर चकलेट,ओरियो विस्कुट, आलुचिप्स लगायतका वस्तुहरुको रिलेवलिङ गरिरहेको अवस्थामा रंगेहात पक्राउ गरेको हो ।
आयान डिष्ट्रिब्युटर वाफलका २ घर र अमेजन डिष्ट्रिब्युटरको एउटा घर सिलबन्दी गरिएकोसंगै ३ गाडि समान पनि विभागले बरामद गरेको छ । पक्राउ परेकाहरुलाई अहिले दरबारमार्ग प्रहरीमा राखिएको छ । म्याद टास्न बाँकी म्याद वस्तुहरुको मूल्य करिब एक करोड रुपैयाँ बराबरको रहेको विभागले बताएको छ
