काठमाडौँ । वैदेशिक रोजगार कार्यालय ताहाचल, काठमाडौँका गाडी चालक र लेखापढी व्यवसायी आठ हजार रुपैयाँ घुससहित पक्राउ परेका छन् ।

श्रम स्वीकृति लिन आएका सेवाग्राहीसँग काम छिटो गरीदिने भनी आठ हजार रुपैयाँ लिँदै गरेको अवस्थामा चालक धनबहादुर तामाङ र लेखापढी व्यवसायीको काम गर्ने रामानन्द चौधरीलाई अख्तियार दुरुपयोग अनुसन्धान आयोगको टोलीले पक्राउ गरेको हो । उनीहरुमाथि थप अनुसन्धान भइरहेको छ ।