">
- अर्थ सरोकार सम्बाददाता
पाल्पा । पाल्पामा एक महिलामाथि कुटपिटपछि लुटपाट गरेर तीन जना अपरिचित व्यक्ति फरार भएका छन् । सोमबार मध्यराति रामपुर नगरपालिका ८ ढकालचौपारीका ६९ वर्षीया मोहन कुमारी श्रेष्ठको घरमा लुटपाट भएको हो।
प्राप्त भएको जानकारी अनुसार घरमा मध्यराति तीन जना अपरिचित व्यक्ति आएका थिए । ‘पानी खान भन्दै घरभित्र छिरेका तीन जना अपरिचित व्यक्तिले लुटपाट गरेर भागेका छन्,’ प्रहरी नायब उपरीक्षक मदन गिरीले जानकारी दिए ।
प्रहरीका अनुसार श्रेष्ठको घरबाट तीन लाख रूपैँया र करिब ९ लाख ५ हजार बराबरको सुनका गरगहना लुटेर उनीहरु भागेका हुन्। उनीहरूले ती महिलामाथि कुटपिट समेत गरेको प्रहरी नायब उपरीक्षक गिरीले बताए। अहिले ती महिलाको अवस्था सामान्य रहेको छ।
