">
- अर्थ सरोकार सम्बाददाता
काठमाडौँ । तिहारपछी ब्रोकर कमिसन घट्ने संकेत देखिएको छ । चर्को ब्रोकर कमिसन तिर्नुपरिरहेको भन्दै लगानीकर्ताहरुले चौतर्फी रुपमा आवाज उठाएपछी ब्रोकर कमिसन घट्ने संकेत देखिएको हो । यता नेपाल धितोपत्र बोर्डका अध्यक्ष डा. भीष्मराज ढुंगानाले तिहारपछि ब्रोकर कमिसन घट्ने दाबी गरेका छन् ।
उनका अनुसार तिहारपछि ब्रोकर कमिसन घटाउन बोर्डसमक्ष पेश गरिनेछ । बोर्डका उपकार्यकारी निर्देशक डा. नवराज अधिकारीद्वारा ब्रोकर कमिसन अध्ययन गरेको प्रतिवेदनमासमेत ब्रोकर कमिसन कटौती हुनुपर्ने सिफारिस रहेको बताइएको छ ।
पछिल्लो समय कोरोना संक्रमण कारण लगानीकर्ताहरुले अनलाइनमार्फत सेयर कारोबार गरिरहेका छन् भने भुक्तानीमा पनि विद्युतीय माध्यमको अत्यधिक प्रयोग गरिरहेका छन् । जसकारण लगानीकर्ताहरुले ब्रोकर कमिसन घटाउनेबारे आवाज उठाउँदै आएका थिए । पछिल्लो समय झन्डै ४ अर्ब रुपैयाँ बराबरको सेयर कारोबार हुँदै आएको छ ।
