">
- अर्थ सरोकार सम्बाददाता
काठमाडौं । नेपाल क्लियरिङ हाउसको २ लाख ९८ हजार ८० कित्ता संस्थापक सेयर आज अन्तिम दिन रहेको छ । स्मार्ट च्वाइस लिमिटेडले आफ्नो स्वामित्वमा रहेको सेयर बिक्री गरेको हो ।
कम्पनीको उक्त सेयरको न्यूनतम मूल्य प्रतिकित्ता ३५० रुपैयाँ रहेको छ । लगानीकर्ताले यसलाई न्यूनतम मूल्य आधार मानेर त्यस भन्दा बढी मूल्य अंकित गरी बोलपत्र पेश गर्न सक्नेछन् ।
यो सेयर खरिदका लागि क्लियरिङ हाउसका संस्थापकहरु, राष्ट्र बैंकबाट इजाजत प्राप्त वित्तीय संस्थाहरु व सरकारी स्वामित्व रहेको विशेष ऐनद्धारा स्थापित वित्तीय संस्थाहरुले आवेदन दिन सक्नेछन् । असोज २४ गतेभित्र बिक्री प्रबन्धक मुक्तिनाथ क्यापिटल, हात्तिसारमार्ग काठमाडौंमा पुग्नेगरी आवेदन दिनुपर्नेछ । यसमा न्यूनतम ५० हजार कित्तादेखि अधिकतम सबै कित्ताका लागि आवेदन दिन सकिनेछ ।
