">
- अर्थ सरोकार सम्बाददाता
काठमाडौं । सेन्चुरी कमर्सियल बैंकले चालु आर्थिक वर्षको पहिलो त्रैमासमा २२ करोड २ लाख ५९ हजार रुपैयाँ खुद नाफा आर्जन गरेको छ । बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गर्दै २२ करोड २ लाख ५९ हजार रुपैयाँ खुद नाफा आर्जन गरेको जनाएको हो । यो नाफा अघिल्लो वर्षको सोही अवधिको तुलनामा ४०.६०% ले कम हो । अघिल्लो वर्ष यस बैंकले ३७ करोड ८ लाख रुपैयाँ खुद नाफा कमाएको थियो ।
यस्तै यस अवधिसम्म आउँदा बैंकको प्रतिसेयर आम्दानी ७ रुपैयाँ १६ पैसाले घटेर १० रुपैयाँ ४७ पैसामा झरेको छ ।भने प्रतिसेयर नेटवर्थ १२९ रुपैयाँ ६४ पैसा रहेको छ । साथै बैंकको खुद ब्याज आम्दानी र सञ्चालन नाफा पनि क्रमशः १४.३५% र ४०.९६% ले गिरावट आएको छ । यी दुई सूचकमा गिरावट आउँदा समग्र नाफा प्रभावित भएको देखिन्छ ।
बैंकले निक्षेप संकलन र कर्जा लगानी भने क्रमशः २९.३०% र ८.६७% ले बढाउन सफल भएको छ । ८ अर्ब ४१ करोड रुपैयाँ चुक्ता पुँजी रहेको यस बैंकको रिजर्भ कोषमा १ अर्ब ८९ करोड रुपैयाँ छ ।
