- अर्थ सरोकार सम्बाददाता
काठमाडौं । नेपाल उद्योग बाणिज्य महासंघको वरिष्ठ उपाध्यक्षमा चन्द्र ढकाल विजयी भएका छन् । यता जिल्ला नगरतर्फ किशोरले ५३ र चन्द्रले ५२ मत मात्रै पाएका छन् भने वस्तुगततर्फ ढकालले ५९ र किशोरले ३९ मत पाएका छन् भने एशोसियटमा ८९७ मतमध्ये चन्द्रले ५२२ र चन्द्रले ३७४ मत पाएका छन् ।
महासंघको विधानअनुसार वरिष्ठ उपाध्यक्ष अर्को कार्यकालमा स्वतः अध्यक्ष हुन्छ । मतगणनाको नजिताअनुसार चन्द्र समूहबाट उपाध्यक्षमा एक जना र किशोर समूहबाट दुई जना विजयी भएका छन् ।
बाउबाजेको सम्पत्तिकै कारण उद्योगी बनेकाहरुको समूहको नेतृत्वलाई पछार्दै आफैंले गरेर बनेका व्यवसायी ‘चन्द्र ढकाल नेपाल उद्योग वाणिज्य महासंका नवनिर्वाचित वरिष्ठ उपाध्यक्ष बनेका हुन् । प्रतिष्पर्धी किशोर प्रधानलाई पछी पार्दै ढकालले बरिष्ट उपाध्यक्ष पदमा बाजी मारेका हुन् ।
आफ्नो जीतपछी उनले अब जित–हार भुलेर महासंघलाई बलियो बनाउन अघि बढ्ने बताएका छन् । विहान चुनाव जितेपछि सञ्चारमाध्यमसँग संक्षिप्त प्रतिक्रिया दिँदै ढकालले अब चुनावसँगै प्यानल पनि सकिएको उद्घोषसमेत गरेका छन् ।
