• अर्थ सरोकार सम्बाददाता 

काठमाडौं । नेपालबाट चीन जाने सबै विदेशी यात्रुले अव बोर्डिङ पास लिँदा डिजिटल स्वास्थ्य स्वघोषणा फारम देखाउनुपर्ने भएको छ । यात्रुले आफ्नो स्वास्थ्य अवस्थालगायतका अन्य सूचनाहरु खुलाएर निवेदन दिनुपर्ने  काठमाडौंस्थित चिनियाँ दुतावासले जारी गरेको सूचनामा उल्लेख छ ।

सो फारम प्राप्त गर्नका लागि आईजीएम एन्टीवडी टेस्ट र नेगेटिभ न्यूक्लिक टेस्टको प्रमाणपत्र पेश गर्नुपर्छ । यसबाहेक भिसा र अन्य सूचना पनि पेश गर्नुपर्छ । यी सबै कागजात अध्ययन गरेर दूतावासले स्वास्थ्य स्वघोषणा फारम उपलब्ध गराउने दूतावासले जनाएको छ । कोरोना संक्रमण बढेका मुलुकबाट आफ्नो देश जाने यात्रुलाई चीनले पछिल्लो समय निकै कडाइ गरेको छ ।