• अर्थ सकार सम्बाददाता 

विराटनगर । कोरोना संक्रमणबाट मोरङको विराटनगरमा दुई जनाको मृत्यु भएको छ । जिल्ला स्वास्थ्य कार्यालय, मोरङका अनुसार कोरोनाबाट उदयपुरकी ६५ वर्षीया महिला र झापाका ४२ वर्षीय पुरुषको आज बिहान मृत्यु भएको हो ।

उदयपुरको त्रियुगा नगरपालिका–११ की ६५ वर्षीया वृद्धाको मोरङको बूढीगंगास्थित विराट शिक्षण अस्पतालमा उपचारका क्रममा मृत्यु भएको हो । यस्तै झापाको दमक नगरपालिका–१ का ४२ वर्षीय पुरुषको विराट नर्सिङ होम एवं विराटनगर अस्पतालमा उपचारका क्रममा आज बिहान ७ बजे मृत्यु भएको छ।