• अर्थ सरोकार सम्बाददाता 

काठमाडौँ । पछिल्लो २४ घण्टामा थप ३ हजार ६२० जना कोरोना संक्रमित निको भएका छन् । योसँगै निको हुनेको संख्या १ लाख ३४ हजार ८४२ पुगेको छ । 

यस्तै पछिल्लो २४ घण्टामा थप २ हजार ८२४ जनामा कोरोना  संक्रमण पुष्टी भएको छ। स्वास्थ्य तथा जनसंख्या मन्त्रालयले आइतबार प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप जनामा २ हजार ८२४ कोरोना भाइरसको संक्रमण देखिएको जानकारी दिए।

आज देशभरमा सक्रिय संक्रमितको संख्या ३७ हजार ७६५ रहेको छ। पछिल्लो २४ घण्टामा थप १३ हजार २३ पीसीआर परीक्षण भएसँगै अहिलेसम्म भएको परीक्षणको संख्या १४ लख ५६ हजार ३६६ पुगेको छ।