• अर्थ सरोकार सम्बाददाता 

दसैंमा भएको अनलाइन कारोबारले यसलाई नयाँ उचाइमा पुर्याएको छ । चल्तीका ई–कसर्म साइटहरुले अहिले काठमाडौंको चक्रपथ बाहिर पनि निःशुल्क डेलिभरी दिइरहेका छन् । मूल्य भुक्तानीका लागि आईएमई–पे, प्रभु–पे, सेल–पे, खल्ती लगायतका भुक्तानी सेवा प्रदायकहरुको ई–वालेट प्रयोग गरिन्छ । त्यसबाहेक एटीम कार्ड ‘स्वाप’ गर्न मिल्ने ‘पीओएस’ मेसिन बोकेर डेलिभरी दिनेहरु घर–घर पुग्छन् । नगदमै पनि भुक्तानी दिन सकिने व्यवस्था ई–कमर्स साइटहरुले गरेका छन् ।

नेपालको सबैभभन्दा ठूलो अनलाइन सपिङ साइट ‘दराज’ले यो दशैंको समयमा ३ लाख वटा सामानको कारोबार गर्‍यो । यो वर्ष दसैंका बेला ग्राहक घटेर खुला बजारका पसलेहरु टाउकामा हात लगाएर बसिरँदा ई–कमर्स साइटहरुलाई अर्डर लिन र डेलिभरी दिन भ्याई–नभ्याई थियो ।