">
- अर्थ सरोकार सम्बाददाता
जनकपुरधाम । सर्लाहीका ४ स्थानमा आगलागी भएको छ । उक्त आगलागीबाट ५० लाखभन्दा बढीको क्षति भएको छ । जिल्लाको गोडैता नगरपालिका–८ स्थित रोकिराखेको ना.७ ख.३५१५ नम्बरको बसमा बसकै ब्याट्री सर्ट भई शनिबार राति एक्कासी आगलागी हुँदा १० लाख बराबरको क्षति भएको छ ।
यस्तै ब्रहम्पुरी गाउँपालिकामा शनिबारै राति भएको आगलागीबाट एउटा पाडो र ४ वटा बाख्राको जलेर मृत्यु भएको छ । वडा नम्बर १ बस्ने निरज साहको गोठमा बालेको मैनबत्तीबाट सल्किएको आगोले पाडो र बाख्रासहित गोठ जलेर नष्ट हुँदा रु १० लाख बराबरको क्षति भएको हो ।
प्रहरीका अनुसार बागमती नगरपालिकामा एक जनाको घर जलेको छ । वडा नम्बर १ डुमाजोर निवासी सुनिल तामाङको घरमा बालिएको मैनबत्ती सल्किएर आगलागी हुँदा उनको काठको कच्ची दुई तल्ले घर जलेको छ । आगलागीले रु १० लाख बराबरको क्षति भएको छ । यस्तै, बरहथवा नगरपालिकाको एक पसलमा आगलागी हुँदा १० लाख बराबरको क्षति भएको छ । सबै ठाउँमा लागेको आगोलाई स्थानीय बासी र प्रहरी मिलेरनियन्त्रणमा लिइएको छ ।
