- अर्थ सरोकार सम्बाददाता
काठमाडौं । नेपाल उद्योग वाणिज्य महासंघको निर्वाचन आज भइरहेको छ । महासंघको चुनावका लागि तिन स्थानबाट मतदान जारी रहेको छ । मध्यान्ह १२ बजेसम्म करिब ४५ प्रतिशत मतदान सम्पन्न भइसकेको बताइएको छ ।
निर्वाचन समितिका प्रवक्ता एवं निर्वाचन अधिकृत लिलामणि पौडेलले जिल्लातर्फ ४० प्रतिशत, एशोसिएटतर्फ ४० प्रतिशत र बस्तुगततर्फ ४५ प्रतिशत मतदान सम्पन्न भएको बताए । जिल्ला नगरतर्फको प्रज्ञा प्रतिष्ठान, कमलादी, वस्तुगततर्फको महासंघ सचिवालय टेकु, र एसोसिएटतर्फको कार्की ब्याङ्केट बबरमहलमा मतदानको व्यवस्था गरिएको छ । देशभरबाट राजधानी आएका १ हजार ११६ जना मतदाताले चुनावमा भाग लिएका थिए
