• अर्थ सरोकार सम्बाददाता 

काठमाडौं । नेपाल उद्योग वाणिज्य महासंघको केन्द्रीय सदस्यका लागि महासंघको उदयपुर अध्यक्ष गजेन्द्रकुमार भगतले उम्मेद्वारी दर्ता गराएका छन् । उदयपुरमा रहेर लामो समयदेखि उद्योग व्यवसाय गर्दै आएका भगतले जिल्ला–नगरतर्फबाट केन्द्रीय सदस्यमा उम्मेद्वारी दर्ता गराएका हुन् ।

बुधबार महासंघको केन्द्रीय कार्यालय टेकु पुगेर उम्मेद्वारी दर्ता गराएका उनले उद्योगी–व्यवसायीहरुको हितका लागि आवज उठाउनकै लागि आफूले उम्मेद्वारी दिएको बताए । उद्योगी–व्यवसायीहरुमा राम्रो छवी बनाएका भगत जिल्लाकै निकै सक्रिय व्यवसायी हुन् । उनी उद्योग वाणिज्य संघ, त्रियुगाको अध्यक्ष हुन् । महासंघको ५४औं वाषिर्क साधारणसभा तथा निर्वाचन आगामि मंसिर ११, १२ र १३ गते काठमाडौंमा हुँदैछ ।