- अर्थ सरोकार सम्बाददाता
काठमाडौं । ग्लोबल आईएमई बैंकका सुरक्षा गार्ड रुद्रबहादुर मगरमाथि खुकुरी प्रहार गर्ने व्यक्ति पक्राउ परेका छन् । बैंकको काठमाडौंको बानेश्वरस्थित शाखामा कार्यरत सुरक्षा गार्ड मगरमाथि खुकुरी प्रहार गर्ने व्यक्ति पक्राउ परेका हुन् ।
महानगरीय प्रहरी वृत्त बानेश्वरले उक्त अभियोगमा काठमाडौंको थापागाउँ बस्ने ३१ वर्षीय शशी थापालाई पक्राउ गरेको हो । गत असोज २९ गते सामान्य विवादका क्रममा सुरक्षा गार्ड मगरमाथि खुकुरी प्रहार भएको थियो । थापालाई नियन्त्रणमा लिएर थप अनुसन्धान भइरहेको प्रहरीले जनाएको छ ।
