• अर्थ सरोकार सम्बाददाता 

गोरखा । गण्डकी गाउँपालिका-४ फुजेलबाट ३ जना जुवाडे पक्राउ परेका छन् । स्थानीय जनक भण्डारीको घरमा कौडा खेलिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय गोरखाले जनाएको छ ।

पक्राउ पर्नेमा घरधनी भण्डारी, धादिङको ज्वालामुखी गाउँपालिका-२ का २२ वर्षीय राजकुमार थापा र वडानम्बर ३ का ६३ वर्षीय खुमबहादुर अर्याल छन् । जुवाको खालबाट २ लाख ७१ हजार ५२० रुपैयाँसहित १६ थान कौडा र एउटा नाङलो पनि बरामद भएको एसपी गुरुङले बताए । पक्राउ परेकाहरु विरुद्ध मुद्दा दर्ता गरी दश दिनको म्याद थप भइ अनुसन्धान भइरहेको छ ।