काठमाडौं । ज्योति लाइफ इन्स्योरेन्सको तेस्रो वार्षिक साधारणसभा बुधबार (कात्तिक २६ गते) हुने भएको छ । सभा कम्पनीको कर्पोरेट कार्यालय शान्ता प्लाजा बानेश्वर, काठमाडौंमा बिहान ११ः३० बजे सुरु हुने भएको छ ।

सभामा कम्पनीले आर्थिक वर्ष २०७५–७६ को प्रतिवेदन, नाफा नोक्सान तथा नगद प्रवाह विवरणमा छलफल गरी पारित गर्ने प्रस्ताव पेश हुनेछ । आव २०७६–७७ का लागि लेखा परीक्षक पनि नियुक्त गरिनेछ । यस्तै, आइपीओ निष्कासन गर्ने सम्बन्धमा पनि छलपल हुनेछ । ज्योतिले गत वर्ष सम्पन्न दोस्रो वार्षिक साधारण सभाबाटै ६६ करोड रुपैयाँ बराबरको आइपीओ जारी गर्ने प्रस्ताव पारित गरेको थियो ।

आइपीओ जारी गर्न धितोपत्र बोर्डमा निवेदन दिन भने बाँकी रहेको छ । हाल ज्योतिको चुक्ता पुँजी १ अर्ब ५४ करोड रुपैयाँ छ । आइपीओ जारी भइसकेपछि पुँजी २ अर्ब २० करोड रुपैयाँ पुग्नेछ । जीवन बिमा कम्पनीको न्यूनतम चुक्ता पुँजी २ अर्ब रुपैयाँ हुनुपर्ने प्रावधान छ ।