• अर्थ सरोकार सम्बाददाता 

काठमाडौँ । महुली लघुवित्त वित्तीय संस्था र नवकिरण लघुवित्त वित्तीय संस्थाको एकीकृत कारोबार आज (मंसिर ८) गतेदेखि सुरु भएको छ । दुई लघुवित्त वित्तीय संस्थाबीच एक-आपसमा मर्जर गएपछि महुली लघुवित्त वित्तीय संस्थाको नामबाट आज देखि एकिकृत कारोबार सुरु भएको हो । 

यी दुवै संस्थाको बैशाख १७ गते सम्पन्न विशेष साधारणसभाले मर्जर गर्ने निर्णय गरी राष्ट्र बैंकलाई अनुमतिको लागि पत्र पठाएको थियो । यता राष्ट्र बैंकले मर्जरमा जान कार्तिक १९ गते स्वीकृति प्रदान गरेको थियो । महुली लघुवित्त नेप्सेमा सूचीकृत कम्पनी हो भने नवकिरण लघुवित्तले हालसम्म सर्वसाधारणमा आईपीओ जारी गरेको छैन । नवकिरण लघुवित्तको १०० कित्ता सेयर बराबर महुली लघुवित्तको ९५ कित्ता शेयर आदानप्रदान रेसियोमा दुई लघुवित्तबीच मर्जर सम्पन्न भएको हो ।