• अर्थ सरोकार सम्बाददाता 

काठमाडौं । पूर्व राज्यमन्त्री खोभारी राय पक्राउ परेका छन् । महानगरीय प्रहरी वृत्त स्वयम्भुको टोलीले उनीलाई जुवा खालबाट पक्राउ गरेको हो । उनिसहित १० जनालाई पक्राउ गरिएको काठमाडौं प्रहरी परिसर प्रमुख एसएसपी श्यामलाल ज्ञवालीले बताए ।

उनीहरुको साथबाट १ लाख ५३ हजार रुपैयाँ पनि बरामद भएको छ । राय २०५२ सालमा शेरबहादुर देउवाको पालामा र २०५३ सालमा लोकेन्द्रबहादुर चन्दको पालामा राज्यमन्त्री भएका थिए । साथै २०६८ सालमा डा. बाबुराम भट्टराईको पालामा पनि उनि राज्यमन्त्री बनेका थिए ।