- अर्थ सरोकार सम्बाददाता
काठमाडौं । तिहार अर्थात भाइटिकाको भोलिपल्टदेखि खुलामञ्चलगायतका सार्वजनिक स्थानमा निःशुल्क खाना खुवाउने अभियान बन्द हुने भएको छ । काठमाडौं महानगरपालिका र खाना खुवाउँदै आएका अभियन्ताबीच भएको सहमति अनुरुप मंसिर २ गतेबाट सार्वजनिक स्थानमा खाना खुवाउने कार्य बन्द गर्ने सहमति भएको हो ।
फेरि पनि निःशुल्क खाना खुवाउनु परेमा वैकल्पिक स्थानको पहिचान गरेर स्थानीय पालिकाहरुसँग समन्वय गरेर मात्रै खाना खुवाउने कार्य गरिने भएको छ । शुक्रबार काठमाडौं महानगरपालिका र निःशुल्क खाना खुवाउने विभिन्न संघसंस्थाका प्रतिनिधिबीच भएको सहमतिअनुसार खाना खुवाउने संस्थाले भाइटीकाको दिनसम्म खाना खुवाउने वैकल्पिक स्थानको खोजी गर्नुपर्नेछ ।
