• अर्थ सरोकार सम्बाददता 

ललितपुर । प्रहरीले ललितपुरमा जुवा खेलिरहेका १८ जनालाई पक्राउ गरेको छ । शनिबार राती ललितपुरको महालक्ष्मी नगरपालिका ७ चाङ्‍गाथलीबाट उनीहरुलाई पक्राउ गरिएको हो । 

पक्राउ पर्नेमा भक्तपुर सूर्यविनायकका सुरेश पौडेल, पूर्णकृष्ण श्रेष्ठ, विकास श्रेष्ठ, केशव बस्‍नेत, मधुसूदन महत, पवन खत्री, श्याम कायस्थ ललितपुर महालक्ष्मी ५ का भुवन रानामगर, बेलबहादुर बुढाथोकी, विशबहादुर बुढाथोकी रहेका छन् । यस्तै सन्तोष रानामगर, महालक्ष्मी ७ का दीप श्रेष्ठ, शंकर बस्‍नेत, भरत थापा, राजाराम बस्‍नेत, राजन महर्जन र गोकुल खड्का पनि पक्राउ परेका हुन् । 

महानगरीय प्रहरी परिसर ललितपुरका एसएसपी टेकप्रसाद राईका अनुसार उनीहरुको साथबाट ११ लाख ५५ हजार ५७५ रुपैयाँ नगद बरामद भएको छ ।